Ɗan wajen shahararren tsoho ɗan wasan ƙungiyar ƙafa ta Barcelona kuna ɗan asalin ƙasar Cameroon wato Samuel Eto’o ya maka mahaifin nasa a kotu sakamakon wani dalili mai ƙarfi daya kunno kai tsakanin ɗa da uba.
Ɗan mai suna Etienne kuma mai shekaru 18 a duniya ya maka baban nasa ne a kotu akan ya biyashi maƙaudan kuɗaɗen da adadinsu ya kai kimanin €20 000 domin amfani dasu wajen sayen abinci da kuma biyan kuɗaɗen makarantarsa.
Etienne dai ayanzu shima yana buga wasa a ƙaramar ƙungiyar matasa ta Real Oviedo wanda yace ya kwashe shekaru a kakanninsa ne suke kashemasa kuɗaɗe saboda haka sai baban nasa ya biyashi dukkanin kuɗaɗen da akayi ɗawainiya dashi.
Wannan shine karo na biyu kenan ana kai Samuel Eto’o kotu inda koda a shekarar data gabata ‘yarsa ta cikinsa wato Erika ta makashi a kotu inda ya biyata zunzurutun kuɗaɗen da sukakai kimanin €1 400 a kowanne wata.
Eto’o dai ya kafa tarihi sosai a duniyar ƙafa a dukkanin ƙungiyoyin ƙwallon ƙafan daya bugawa wasa sannan kuma ya baiwa ƙasarsa ta haihuwa wato Cameroon inda duniya ma bazata manta dashi ba a wajen ƙwallon ƙafa.
