2023: Ɗan Takarar da zai iya magance Matsalar Tsaro kawai Arewa zata zaɓa
Shugabannin Arewa sun yi alkawarin cewa goyon bayansu a zaben shugaban kasa na 2023 zai kasance ga duk dan takarar da ke da karfin magance matsalar rashin tsaro da kuma ‘yantar da ‘yan Najeriya daga kalubalen da suke fuskanta.
Shugabannin jihohin Arewa 19 da Abuja sun bayyana matsayinsu a wajen wani taro na kwanaki 2 da wata kungiya mai suna Arewa New Agenda (ANA) ta shirya a Abuja.
KARANTA WANNAN LABARIN: Da Ɗumi-Ɗumi: Wasu Ƴan Ƙauye da suka tserewa hare-haren Ƴan bindiga, sun faɗa cikin ruwa
Sun lura cewa rashin tsaro, rashin hadin kai, koma baya da sauran batutuwan da suka shafi zamantakewar al’umma ne ke tada kayar baya da ci gaban yankin da kasa baki daya.
Murtala Aliyu, Babban Sakataren kungiyar Arewa Consultative Forum (ACF), ya koka kan yadda shugabannin Arewa suka kasa daukar matakan magance matsalolin da yankin ke fuskanta tsawon shekaru.
A cewarsa, “Dole ne yankin ya karfafa kwarin gwiwa tare da yin shawarwari da shugabannin siyasar kasar don tabbatar da ci gabanta cikin sauri a dukkan bangarorin rayuwa domin bunkasar jama’a.”
A nasa jawabin daraktan Arewa House Dr Shuaibu Aliyu ya bayyana cewa Arewacin Najeriya ya kasance mai hada kan kasar nan, ya kuma yi kira ga masu ruwa da tsaki a yankin da su tashi tsaye wajen ganin an tabbatar da tsaftar tsarin.
Wanda ya shirya taron, Sanata Ahmad Moallahyidi ya yi imanin cewa, yankin na iya ciyar da shi ba Najeriya kadai ba, har ma da yankin yammacin Afirka baki daya, ya kara da cewa dole ne a tinkari kalubalen da yake fuskanta duba da fadin kasa mai fadin hekta miliyan 98.3, wanda miliyan 82 ne ake nomawa.
A wani labarin kuma: An Gurfanar da Matasa 3 Kan yiwa Matashiya Fyaɗe
Alkalin Kotun Majistare Adam Mohammed na da ke Ilorin, ya bayar da umarnin tsare wasu mutane uku da ake zargi da laifin safarar kwayoyi da kuma yi wa wata yarinya ‘yar shekara 18 fyade a Ilorin, babban birnin jihar Kwara.
Wadanda ake zargin, Boluwatife Oluyemi, 23; Samuel Dauda, 23; da Kudus Waheed, 18, an gurfanar da su a gaban kotu bisa tuhumar laifuka biyu da suka hada da hada baki da fyade da ya sabawa sashi na 97 da 283 na dokar masu Babban laifi.