2023: Ba mu da wani ra’ayi kan wanda zai zama shugaban Najeriya – Birtaniya
Gwamnatin Birtaniya ta ce ba ta da ra’ayi kan wanda zai zama shugaban Najeriya a zaben da ke tafe.
Babbar jami’ar Birtaniya a Najeriya, Catriona Liang ce ta bayyana hakan a ranar Laraba, bayan wata ganawa da ta yi tare da kwamitin ayyuka na kasa, NWC, na jam’iyyar All Progressives Congress, APC, a Abuja.
KARANTA WANNAN LABARIN: Yadda mata 4 suka sace ni, suka sanya ni a ɗaki tare da yi min fyade babu adadi, Magidanci
Misis Liang ta ce Birtaniya za ta yi aiki da duk wani dan takara da ya samu nasara daga zaben.
Babban Kwamishinan ya kuma bayyana amincewa da dimokuradiyyar Najeriya da kuma kudurin shugaban kasar na shirya zabuka masu inganci da kwanciyar hankali.
Ta ce: “Birtaniya ba ta da wanda ta fi so. Mun himmatu wajen gudanar da sahihin zabe, amma za mu yi aiki da duk wanda dan takarar shugaban kasa ya fito daga zaben.
“Birtaniya da Najeriya na da kyakkyawar alaka, kuma muna son Najeriya ta yi nasara. Kuma dimokuradiyya tana cikinta”.
Ta kuma kara da cewa gwamnatin kasarta na maraba da kudurin Najeriya na tabbatar da dimokuradiyya da kuma yadda shugaba Buhari ya yi na’am da zabe mai inganci.
A wani labarin kuma: Zaɓen 2023: Ku sanya Najeriya a cikin zukatan ku — Adeboye ya fadawa Ministoci
“Dukkanmu muna zaune a gida babu abin da muke sa ran Allah Madaukakin Sarki zai zo mu yi abin da muke tsammanin mu yi da kanmu a Najeriya. Idan duk ministocin da ke cikin Cocin Redeemed Christian Church of God, RCCG za su dauki batun Najeriya da muhimmanci kuma Allah ya taimake mu, abubuwa za su yi kyau”.
Wannan shine takaitaccen bayanin babban mai kula da Cocin Redeemed Christian Church of God, RCCG, Fasto Enoch Adejare Adeboye a jiya a lokacin da yake jawabi ga ministocin kungiyar a lokacin da yake musu jawabi a taron ministocin a birnin Redemption City.
