Daga fara fafata sabuwar kakar wasan French League One ta ƙasar Faransa wato sabuwar kakar wasa ta 2020 zuwa 2021 wasu abunuwan al’ajabi sun faru a gasar sannan kuma za a iya kiransu da abin takaici kokuma abubuwan mamaki.
Daga farawa an buga wasannin mako na uku amma kuma an buga wasanni guda 29, daga cikin wasannin da aka fafata an bayar da katin kora wato Red Card guda 21.
Inda ake ganin akwai yiwwuwar kafin a kammala kakar wasa ta bana za a iya bayar da katin kora sama da guda 100 ganin yadda ake bayar da shi kamar ruwa.
Amma ana ganin cewar jajayen katin da aka bayar baya rasa nasaba da rashin ɗa’a da ‘yan wasan suke nunawa musamman awasan hamayya da aka fafata tsakanin ƙungiyar ƙwallon ƙafa ta Paris Saint Germain da kuma Olympique Marseille inda akayi ruwan jan kati awasan sannan aka bayar da katin gargaɗi da dama.
A kakar wasan data gabata dai ƙungiyar ƙwallon ƙafa ta Paris Saint Germain ce ta zamo zakara inda ba a kammala gasar ba aka bayyana ta a matsayin zakara sabo da cutar nan data addabi duniya wato Coronavirus.
