Babban Limamin Masallacin Garki na Area 10, Yahya Al-Yolawi ya caccaki Musulmin da ke kwaikwayon salon bukukuwan aure da sauran shagulgulan bikin aure da kasashen Turawa keyi.
Malamin, a lokacin da yake hudubar ‘Kan bidi’ar Aure a Musulunci a ranar Juma’a a Abuja, ya yi gargadin cewa Allah mai tsananin ukuba ne.
KARANTA WANNAN LABARIN: Gwamnan Kudu Ya Yiwa Fursunoni 104 A Fuwa
Kamfanin dillancin labarai na Najeriya NAN ya rawaito Yolawi yana bayyana cewa addinin musulunci ya fito karara akan ayyukan da suka halatta da kuma wadanda suke haramun ne.
Ya ce “halitta da kari” na yanzu bai samo asali ba a Musulunci ko kuma daga koyarwar Annabi Muhammad S.A.W .
Shugaban addinin ya lissafta irin wadannan ayyukan da ba na Musulunci ba a matsayin haramtattun abubuwa, kwaikwayon kasashen yammacin duniya, munanan al’adu da bi’u.
Wasu kuma “jinkirin aure ba dole ba ne da sunan shiga kwalejojin ilimi da karatun jami’a; jiran miji ko mata da aka shirya; kashe-kashen rashin hankali da nuna aji da matsayi”.
Yolawi ya dage kan abin da wasu musulmi ke aikatawa a shekarun baya ya sabawa koyarwar addinin Musulunci, da hana masu niyyar aure, da inganta wahala, fasikanci da zina.
Limamin ya bukaci matasa da iyaye da sarakunan gargajiya da shugabannin addini da na al’umma da sauran masu ruwa da tsaki dasu magance matsalar.
“Muna bukatar mu wayar da kan mu kan hakikanin koyarwar addinin Musulunci a cikin aure, tun daga yadda ake yin aure a ranar daurin aure, da abin da ya biyo baya.
“Allah ya ce, kuma ku yi aiki na kwarai da jin tsoron sa, amma kada ku yi tarayya cikin zunubi da zalunci. Kuma ku bi Allah da tsananin jin tsoron sa. Lallai Allah Mai tsananin ukuba ne,” Yolawi ya jaddada.
A wani labarin kuma, Gwamnan Arewa Ya Yiwa Daurarru 46 A Fuwa
Gwamnan Zamfara, Bello Matawalle, ya yi afuwa ga fursunoni 46 da ke zaman gidan yari daban-daban a fadin jihar.
Da yake jawabi ga manema labarai jim kadan bayan afuwar, kwamishinan shari’a na jihar Barista Junaidu Attahir ya ce gwamnan ya yi wa fursunonin afuwa bisa shawarar kwamitin da aka kafa.