Wani mutum mai shekaru 60 a duniya Ibrahim Ibuoyr ya gurfana a gaban wata kotun Majistiri dake zamanta a garin Ota bisa laifin shiga gidan gonar tsohon shugaban ƙasar nan Obasanjo dake.
Ibuoye wanda aka sha kamawa har karo na huɗu yana tsallaka gonar Obasanjo, tare da ɓata kayayyakin gidan gonar yaƙi amincewa da laifin da ake tuhumarsa.
Mai shigar da ƙarar jami’ar hukumar ‘yan sanda Rosemary Samson ta shaidawa kotun Majistirin cewa wanda ake zargin tare da haɗin guiwar wasu mutum huɗu sun aikata laifin ne a ranar 26 ga watan Agustan da ya gabata.
Ta ƙara da cewa masu laifin sun haura gidan gonar ne ɗauke bindigogi da sauran muggan makamai.
http://dimokuradiyya.com.ng/yanzu-yanzu-gobara-ta-tashi-a-gidan-obasanjo/
Sananan ta ƙara da cewa mai laifin ya lalata mota ƙirar Honda mai ɗauke da bayanai kamar haka LSD 655 EV wanda mallakin Kazeem Ajiboye ce.
Alkali5 kotun B.S Abdussalam yace laifin ya saɓa da kundin laifuka ƙarƙashin sashi na 81, 390 (9) da kuma sashi na 451 da sashi na 517 na kundin laifuka na shekara ta 2016.
Alƙalin ya amince da bada belinsu kan kuɗi Naira dubu ɗari biyar ga kowannensu cikn makonni biyu masu zuwa.
Sannan daga ƙarshe alƙalin ya ɗage zaman har sai ranar 14 ga watan Satumbar da muke ciki.
