Wani shugaban wata makaranta ya haramta sanya fatari ko kuma siket a makarantarsa biyo bayan korafe-korafe da ya yi ta samu.
Cikin wani sakon email da shugaban makarantar ta St Martins mai suna Lee Jarvis ya aike yan uwa da iyayen daliban makarantar, ya ce haramcin za ta fara aiki ne a watan Satumbar wannan shekara.
Ya kara da cewa bisa irin korafe-korafe da ya yi ta samu ne kan cewa siket da ɗalibai ke sanyawa na bayyana surar jikinsu don haka kama daga daliban har malamansu babu mai kara sakawa sai dai su dinka dogon wando.
Ko da yake wannan mataki ya janyo kakkausar suka daga iyayen daliban makarantar, inda suke cewa ba a yi musu adalci ba.
Sai dai Mista Jarvis ya ce ba zai ce komai ba dangane da wannan zargi da aka yi Mishi.