• Wani dan kasuwa ne ya kai karan wanda ake zargin a ofishin yan sandan da ke Karin.
• Kafin yanke hukuncin mai shari’an Kotun ya ja kunne mai laifin da ya guji aika irin wannan laifin a gaba.
• Zai iya biyan taran naira dubu goma a mai makon zuwa gidan gyaran hali.
Wata Kotu dake Karu Grade I, a garin Abuja, ta yanke wa wani mutun mai suna Buhari Abdullahi hukunci a yau litinin na zaman gidan yarin watanni uku, bayan kama shi da satar Baro.
Lokacin da ya ke yanke hukunci, mai shari’an Kotun Inuwar Maiwada, ya ba shi zabin biyan taran naira dubu goma, a mai makon zaman gidan yarin, da kuma gargadi kar ya sake aikata irin wannan aikin a nan gaba.
Kafin yanke hukuncin, mai gabatar da kara Mr Ayotunde Adeyanju ya bayyana wa Kotu cewa, wani mai suna Danballa Bello dake Kasuwar Karu , ya kawo karan afkuwar lamarin a ofishin yan sandan dake Abuja a ranar 13 ga watan Yuni shekarar 2021.
Ya ce Mai-kara ya zargi Wanda-ake-karan, da sa ce masa Baro, da kudin ta ya kai naira 25,000 a kasuwa.
KARANTA WANNAN LABARIN: Rundunar soji ta kashe yan Bokoharam 20 a Borno
Mai gabatar da karan ya ce, lokacin da jami’an yan sandan su ka gudanar da bincike, sun sami wanda ake zargi da satar Baro 3, wanda harda wacce ake zargin shi da ita.
A cewar sa, hakan ya saba wa sashin doka na 287 na kundun dokar Penal code na babban birnin tarayya Abuja, inji shi Adejanyu.