Shahararren ɗan wasan ƙwallon kwandon nan kuma ɗan asalin ƙasar Najeriya wanda yake fafata wasansa a can ƙasar Amurka ya lashe gagarumar kyautar nan da ake bayarwa a can ƙasar ta Amurka.
Ya lashe kyautar ɗan wasan da yafi kowanne daraja a duniyar ƙwallon kwando na wannan shekarar ta 2020, haka ma koda a kakar wasan data gabata shine ya lashe kyautar gashi ma bana ya sake lashewa.
Sai dai a wannan karon tagwayen kyaututtuka ya lashe inda bayan ya lashe kyautar ɗan wasan da yafi kowa daraja haka ya lashe kyautar ɗan wasan da yafi kowa iya tsaron bays wanda ba kasafai aka fiye lashe tagwayen kyaututtuka kamar yadda ya lashe ba.
Shidai Antetokounmpo yabi sahun shahararrun ‘yan wasan ƙwallon kwando na ƙasar Amurka irinsu Kareem Abdul-Jabbar da LeBron James wajen lashe kyaututtukan NBA dana MVP.
Haka awajen lashe tagwayen kyaututtuka ya shiga sahun Michael Jordan daya lashe a kakar wasa ta 1986 zuwa 1988 da kuma Hakeem Olajuwon daya lashe a kakar wasa ta 1993 zuwa 1994.