Bayan Asarar Miliyan 500, An kwantar da Manoman Ogun a Asibiti
RELATED POSTS
Aƙalla Manoma kifi 20 a jihar Ogun ne aka kwantar da su a asibiti sakamakon kaɗuwa bayan da suka yi asarar jarin Naira miliyan 500 sakamakon ambaliyar ruwa.
Abokan Manoman Kifi da ke aiki a Ijebu-Ode, a ranar Alhamis, sun mamaye ofishin Gwamna da ke Abeokuta, suna neman gwamnati shiga lamarin domin kawo masu ɗauki.
KARANTA WANNAN LABARIN: Gwamnatin Kano ta Baiwa Ɗalibin Da Yafi Kowa Maki a JAMB Tallafin Karatun Miliyan 3
Wakilinmu ya ruwaito cewa, ambaliyar ruwan ta faru a ranar 8 ga watan Yuli, ta yi awon gaba da tafkunan kifi na Manoma kusan 200 tare da lalata wasu kadarori na Naira miliyan 500.
Masu zanga-zangar da suka wakilci Manoma dari biyu da tafkunansu ke a Ikangba/Agoro, ta hanyar Ijebu Ode a Ƙaramar Hukumar Odogbolu, inda ambaliyar ruwa ta yi barna.
Wadanda abin ya shafa sun bazu a gungu na Manoma biyar na Ifeoluwa, Asejere, Progressive, Joye da Kajola.
Wasu daga cikin Manoman na dauke da alluna masu rubuce-rubuce iri-iri kamar su “Gwamna Abiodun, ka ceci ranmu; Zuba jarin N500m da ambaliyar ruwa, ka yashe Kogin Yemule, Gwamna Abiodun, ka taimaka mana ka gyara hanyar Agoro da Ikangba da sauransu.
Sun nemi matakai na gaggawa don rage illar asarar tare da dakile sake afkuwar bala’in.
Da yake magana a madadin manoman, Eko Nicholas ya dora alhakin wannan bala’in a kan rashin yashe Kogin Yemule da kuma yadda ba a dace ba na magudanun ruwa a hanyar Ikangba/Agoro marasa kyau.
Ya ce a lokacin da aka yi ruwan sama, ruwa ya malala a kan kogin Yemule da ke daure a cikin gonakin kifin, wadanda a cewarsa, suna da nisan kilomita fiye da ɗaya daga kogin.
Nicholas ya ce sama da manoma 20 ne aka sallame su daga asibiti saboda kaduwa da suka samu sakamakon asarar da suka yi.
Dangane da bukatunsu, ya ce, “Muna kira ga Gwamnan da ya zama wajibi ya taimaka mana wajen Yashe Rafin Yemule domin ya yi fadi da zurfin da zai iya daukar yawan ruwan da ke fitowa daga wuraren aikin. Da wannan, ruwan ba zai zube iyakarsa ba.
“Haka zalika, titin Ikangba/Agoro wadda aka fi sani da tsohuwar titin Legas, ya zama abin tsoro ga mazauna yankin, kuma hakan yana taimakawa wajen haifar da ambaliya saboda rashin magudanar ruwa da kuma hanyar da ta dace.
Muna kuma rokon gwamna da ya taimaka mana wajen gyara hanyar.
“Abinda yafi mahimmanci, ya kamata Gwamna ya taimaka mana ta hanyar ba mu lamuni mai sauki don taimaka mana mu sake tsayawa da kafafunmu.
Yayin da nake magana, mambobinmu sama da 20 sun bar asibitoci jiya da rana kafin jiya. Suna samun murmurewa daga firgicin da suka sha a sakamakon bala’in.”
Da yake jawabi ga manoman, Babban Manajan Hukumar Raya Aikin Noma ta Jihar, Bolu Owootomo, ya bayar da tabbacin cewa gwamnati za ta magance musu bukatun su cikin gaggawa.
Owootomo ya yi nuni da cewa jami’an gwamnati za su ziyarci yankin nan da kwanaki bakwai domin tantance barnar da aka yi tare da samar da mafita kan ambaliyar.
Ya ce a matsayinsa na gwamnati mai alhaki, gwamnatin Gwamna Dapo Abiodun ba za ta nade hannunta ba yayin da ‘yan kasa ke asarar jarin jari mai yawa sakamakon bala’in ambaliyar ruwa
