Hukumar EFCC sun kama Emmanuel Oluwatosin, daya daga cikin wanda hukumar bincike na FBI k enema ruwa a jallo cikin mutum 77. An kama Emmanuel Oluwatosin, a karamar hukumar Sabon Birni dake jihar Sakkwato.
Abdullahi Lawal, shugaban sashen EFCC din dake lura da Sakkwato, Kebbi da Zamfara shi ne ya bayyana hakan a ranar Alhamis a garin Sakkwato. Inda ya ce Oluwatosin da ‘yan’uwansa masu damfara hukumar bincike ta Amurka ne ke neman su ruwa a jallo.
Ya ce sun yi amfani da fasahar RAI da PII wajen bankado shi. Inda suka bibiyi asusunsa na banki da wadansu bayanai da ya shafe shi. Lawal ya kara da cewa; an kama wanda ake zargi ne a wani hamshakin gida. Daga cikin abubuwan da aka samu sun hada da mota kirar E550 Mercedes Benz da C450 Mercedes Benz, waya kirar IPhone, Kwamfutoci kirai laptop, modem da layukan waya.
Ya ci gaba da cewa; a wani bincike da suka gudanar sun bankado akalla naira biliyan 1.5 suka shiga asusun Oluwatosin, sannan sun ce; sun yi kokarin gano naira miliyan 70 wanda ya zuba hannun jari da su.
