Majalisar dokokin kasar Sweden a ranar Laraba ta zabi shugabar jam’iyyar SDP kuma ministar kudi ta yanzu Magdalena Andersson a matsayin mace ta farko a matsayin firaminista a kasar bayan da ta kulla yarjejeniya ta karshe na samun goyon baya.
Andersson zata gaji Firaminista Stefan Lofven mai barin gado bayan da ‘yan majalisar wakilai 117 suka kada kuri’a, yayin da 57 suka kaurace, 174 suka ki amincewa, daya kuma bai halarci zaman ba.
A tsarin kasar Sweden, dan takarar firaminista ba ya bukatar goyon bayan rinjaye a majalisar dokoki, kawai suna bukatar rashin samun rinjaye – ko kuri’u 175 – a kansu.
Dan shekaru 54, wanda ya karbi ragamar shugabancin jam’iyyar SDP a farkon wannan watan, ya cimma matsaya da jam’iyyar hamayya a yammacin ranar Talata domin kara kudaden fansho domin samun goyon bayanta a zaben na ranar Laraba.
Ta taba samun goyon bayan kawancen jam’iyyar SD ta Greens, da kuma Center Party.
Sai dai kuma, Andersson ta fuskanci komabaya ta farko tun kafin zaben ta a ranar Laraba.
Jam’iyyar Centre ta sanar da cewa, duk da cewa ba za ta yi adawa da Andersson a zaben firaminista ba, za ta janye goyon bayanta ga kasafin kudin gwamnati da za a kada kuri’a a gobe Laraba, saboda rangwamen da aka yi wa daya bangaren.
Hakan na nufin Andersson a bisa dukkan alamu zai ta yi mulki tare da kasafin kudin da ‘yan adawa masu ra’ayin rikau na Moderates, da CD da kuma SD masu ra’ayin rikau suka gabatar.
Andersson za ta karbi aikinta a hukumance tare da gabatar da gwamnatinta a ranar Juma’a.
Jaridar Dimukuradiyya ta rawaito cewa Stefan Lofven ya yi murabus ne a ranar 10 ga watan Nuwamba bayan shekaru bakwai a matsayin firaminista a wani mataki da ake kyautata zaton bai wa magajinsa lokaci domin shiryawa babban zaben kasar na watan Satumban 2022.
Duk da kasancewar al’ummar da ta dade tana fafutukar daidaita jinsi, Sweden ba ta taba samun mace a matsayin firaminista ba.
Duk sauran ƙasashen Nordic – Norway, Denmark, Finland, da Iceland – an ga mata suna jagorantar gwamnatocinsu.