RELATED POSTS
Daga Muhammad Gambo Damaturu.
Gwamnan Yobe, Alhaji Mai Mala Buni tare da mataimakin sa Alhaji Idi Barde Gubana da sauran manyan jami’ai sun halarci jana’izar Kwamishinan wasanni na jihar Hon. Goni Bukar.
Marigayi Goni Bukar wanda akewa lakabi da BUGON, ya rasu ne sakamakon hadarin mota.
Yayin jana’izar tasa Babban limamin Masallacin Jumu’a na Yobe dake Damaturu, Ustaz Hudu Muhammad Yusuf ne ya yi masa Salla.
Bayan manyan jami’ai daga sassan Gwamnati daban-daban, daruruwan al’umma ne suka halarci Jana’izar inda sukayi addu’ar Allah Ya gafartwa marigayin.
Hon. Goni Bukar Lawan, ya rasu ne da yammancin ranar talata 2 ga watan Ogusta, 2022 a hadarin mota tsakanin Damaturu zuwa-Kano.
Kwamishinan, an yi jana’izar sa ranar Laraba, 3 ga watan Ogustan a babban masallacin jihar Yobe.
