Gwamnatin Jihar Bauchi Karkashin gwamnan Jihar Sanata Bala Abdulkadir ta raba motoci kimanin hamsin wa nau’ukan Jami’an tsaro daban daban a Jihar a yau Asabar.
RELATED POSTS
Jami’an tsaron da suka amfana sun hada da Yan Sanda, Hukumar Kiyaye hadura ta FRSC da Jami’an tsaro na Civil Defense da Jami’an DSS da Rundunar Sojin Sama da na kasa gami da sabuwar Hukumar Kula da ababen hawa ta BAROTA.
Da yake jawabi a yayin rabon a fadar gwamnatin Jihar Bauchi, Gwamna Bala Muhammad Abdulkadir ya ce gwamnatin sa ta dauki matakin sayo motocin ne da zummar kara damara wajen dakile matsalolin tsaro dake addabar kasar nan.
Gwamna Bala Abdulkadir ya ce a yanzu haka lamuran tsaro na ci gaba da tabarbarewa, don haka dole ne sai an tashi tsaye wajen ganin an yi kandagarki ga harkar.
Daga nan dai ya bukaci gwamnatin tarayya da taimaka wa Jihar da dukkanin bukatun da suka kamata don tabbatar da inganta tsaro a jihar, kasantuwar ta daya daga cikin Jihohi da barazanar tsaro ba ta yi mata katutu ba.
Da yake karbar motocin a madadin sauran Hukumomin tsaron, Sufeta Janar na Yan Sandar Najeriya Usman Baba Alkali wanda Mataimakin Sa Johnson Babatunde Kokoma ya wakilta, ya ce lallao Wannan yunkuri na gwamnatin Jihar ta yi ya zo a kan gaba don haka ya bukaci gwamnatoci a Dukkan matakai da au yi hobbasa don dakile matsalar tsaro a kasar nan.
Wakilin Mu a Bauchi Bashir Khalid Furyam ya labarto mana cewa tuni ko wace rundunar tsaro aka mika nata motar ta a hannu ta yi gaba da shi
