Gwamnatin jihar Legas ta kwato wasu sassa na gine-ginen Ikorodu GRA Scheme III, da ke Odonla, a Lucky Fiber axis na Ikorodu.
Gwamnatin ta kuma mayar da kason ga ainihin masu kason kudaden.
Kwamishinan Tsare-tsare na cikin gida da Raya Birane na jihar, Dr Idris Salako, ne ya bayyana hakan a gidan gwamnati dake Alausa, Ikeja, kamar yadda wata sanarwa da Mista Mukaila Sanusi, mataimakin darakta sashen hulda da jama’a na ma’aikatar ya bayyana.
An fitar da sanarwar ne a ranar Alhamis din nan a Legas.
Dimokuradiyya ta rawaito cewa, Salako ya ce gwamnati ta kori wadanda suka shiga aiki ba bisa ka’ida ba tare da mayar da kason da aka yi ga halartattun masu kason na asali, wadanda ke da takardar shaidar zama a ofishin filaye na jihar.
Yace. “Matakin shine don dawo da kwarin gwiwa kan tsare-tsaren gwamnati, ba da kudaden da suka dace da kuma dakile lalata tsarin.”
Salako ya ce gwamnati ta aika da sanarwar da aka kayyade ga barayin, ciki har da dokar dakatar da aiki da aka bayar a ranar 4 ga Fabrairu, kafin a dawo da kason.
Ya shawarci masu kwacen fili da su daina, domin amfanin kansu.
(NAN)