Hukumar kula da harkokin yada labarai ta kasa (NBC) ta shaida wa masu aikin yada labarai cewa kada su kasance masu magana da yawun wata kungiya ko masu ruwa da tsaki wata kungiya kwara daya a kasar nan.
Babban daraktan hukumar ta NBC, Balarabe Shehu Ilelah ne ya bayyana hakan a yayin wani taron manema labarai ranar Alhamis a Abuja.
Ya ce yawancin gidajen talabijin da rediyo a fadin kasar nan, musamman mallakar gwamnati, hukumar na binsu bashin N4bn na kudaden lasisi da sabunta lasisi.
Ya ce ga tashoshin da ke da kudaden sabunta lasisi, NBC tana sanar da su cewa “suna da har zuwa ranar 17 ga Fabrairu, 2022 su biya basussukan da ke kan su ko kuma a karbe lasisin su a mayar da su ga masu neman lasisi.”
Ilelah ya ce ya kamata masu aikin yada labarai su rika bayar da rahotanni da kalamai da ayyukan bangarorin biyu, tare da yi musu nazari da kuma fallasa abin da ya ke karya ne, ko barazana ga al’umma da ‘yancinta.
Ya ce: “Kada mai yin aikin ya kasance mai magana kawai ga kowace kungiya ko kungiyoyi. Kamata ya yi shi ko ita ta rika bayar da rahoton maganganu da ayyukan bangarorin biyu, tare da gabatar da su cikin bincike mai zurfi da fallasa abin da ke karya ko barazana ga al’umma da ‘yancinta.
“Mun san illar labaran karya, kalaman kiyayya da watsa shirye-shiryen da ba su dace ba suna da darwatsa al’umma. Dole ne mu yi taka-tsan-tsan da abubuwan da muka fitar a wurin aikin mu. Hukumar Watsa Labarai ta Kasa tana alfahari da kwarewa, inganci da rikon amana wajen ganin ta cika aikinta a matsayinta na mai gudanarwa,” inji Ilelah.
Ya Kuma kara da cewa, lasisin watsa shirye-shirye na wucin gadi da shugaban kasa Muhammadu Buhari ya baiwa kamfanoni, cibiyoyi da al’ummomi 159 don gudanar da ayyukan rediyo da talabijin a kasar Abu ne Mai matukar amfani