Kungiyar Gwamnonin Arewacin Nijeriya sun jimamin da alhinin rasuwar Lauya na farko a yankin Arewa. Inda suka taya ɗan uwansu wato gwamnan jihar Kwara Abdulrahman Abdulrasaq alhinin rashin mahaifinsa, Alhaji AbdulGaniyu Folorunsho Abdul-Razaq.
Marigayi Alhaji AbdulGaniyu shi ne lauya na farko daga arewacin Nijeriya kuma ya mutu yana da shekaru 93 a duniya.
Bayanai sun nuna cewa ya kai matakin SAN a aikinsa na Lauya, wanda wannan mataki shi ne kurewar mataki da da kowane lauya a Nijeriya yake da burin ya ga ya kai.
Shugaban ƙungiyar gwamnonin arewa kuma gwamnan jihar Filato, Simo Lalong, ya bayyana mutuwar lauyan a matsayin wani babban rashi ne ga yankin arewa da ma Nijeriya baki ɗaya, ba ma kawai ga mutanen Kwara ba.