Hukumar EFCC ta cafke mutane uku da laifin damfara 3.5 Biliyan
Hukumar EFCC dake yankin Sokoto ta damke wasu mutane da ake tuhuma da damfarar kudade kimanin Biliyan uku da digo biyar da sukayi cikin watanni shida.
Hukumar EFCC tace an samu damar damke sune bayan dogon bincike na tsawon wata Tara.
KARANTA:-Kotu ta bada Belin Baba Ijesha
Bawa Usman Kaltungo lokacin da yake zantawa da manema labarai a ofishin sa sun karbi korafi daga banki Commercial kan diban kudi daga asusun dake da ta’allaqa da Sunday Markus.
Yace an kwashe kudade daga cikin asusun da suka kai Biliyan uku da miliyan dari biyar da hamsin da biyar da dubu dari uku da sabain da biyu da dari shida da hamsin da hudu da kwabo arbain da uku cikin wata shida.
Hukumar EFCC tace ta ban kado kudade da kayayyaki wadanda suka hada da manyan Motoci na alfarma da manyan gidaje Lekki dake Legas da Kuma Port Harcourt da Kuma Calaber.
Bawa yace har da kudade a asusun baki da suka kai kimanin miliyan uku.
Yace nan da bada jimawa ba za’a damka wadanda ake zargi Kotu.
Yace hukumar zata cigaba da bankado miyagun ayyuka tare da tabbatar da an hukunta duk mai hannu a ciki.
Daga karshe ya shawarci jama’a dasu rinka bincike akan wanda zasuyi kasuwanci dasu don gujema fadawa hannun Yan damfara.