Hukumar ilimin bai daya ta jihar Kwara ta fara gina cibiyoyin karantar da karatun zamani (DLC) guda 39 a makarantun firamare a fadin jihar.
Wata sanarwa da jami’ar yada labaran hukumar, Amina Atere, ta fitar ranar Alhamis din nan a Ilorin ta ce aikin zai kuma zurfafa sha’awar dalibai kan fasahar sadarwa ta zamani.
“Cibiyoyin da ke fadin kananan hukumomi 16 za su baiwa daliban Kwara damar yin gogayya da takwarorinsu na duniya ta hanyar amfani da fasahar sadarwa ta zamani.
“Cibiyoyin DLC suna sanye da na’urar kwamfutoci da na’urorin haɗi da yawa,” in ji ta.
Atere ya kuma ce aikin yana ci gaba da kokarin Gwamna Abdulrahman AbdulRazaq na sake fasalin ilimi tun daga tushe a jihar.
“Wannan ya fara ne da biyan kudaden da aka karkatar da su wanda ya kawo jihar Kwara karkashin hukumar kula da ilimin bai daya,” in ji ta.
(NAN)