Tsohuwar shahararriyar jaruma Hema Malini wadda ta bayar da gudun mawa a masana’antar Bollywood ta ƙasar India tayi magana akan dambarwar da take faruwa a masana’antar Bollywood ta ƙasar India inda tace irin maganganu marasa daɗi da suke yawo ayanzu hakan sam bayi bane.
A ‘yan kwanakinnan dai wasu daga cikin jaruman ake cewa suna yin amfani da ƙwayoyi domin sha inda kuma ake cewa ya kamata su fito su bayyana kansu da wuri, sannan kuma ana alaƙanta masu amfani da miyagun ƙwayoyin wajen zargin kisan da aka yiwa jarumi Sushant Singh Rajput inda ake zargin zasu cimma manufarsu kan amfani da ƙwaya.
“Masana’antar Bollywood tasa nayi suna a idon duniya kuma ako da yaushe masana’antar tana ɗaga jarumai a idon duniya harsu zama wasu sosai kuma abin koyi, ga babban misali idan a kayi duba da manyan jarumai irinsu Dharmendra da Deb Anand da kuma jarumai Amitabh Bhachchan”
Tsohuwar ta ƙara da cewar kowa ya sani zama shahararren jarumi ko jaruma baiwa ce da nasara kawai take bin mutum bawai kawai mutum yace zai ɗakko ɗansa ko ‘yarsa ya sakata a fil ba.
Hema Malini dai itace ta auri jarumi Dharmendra tun a shekarar 1980 kuma sun haifi ‘ya’ya guda biyu a tsawon shekaru 40 da aurensu wato ‘ya’yan sune Esha da kuma Deol.
