Osagie Ize-Iyamu ya samu nasarar zama dan takarar jam’iyyar APC a zaben gwamnan jihar Edo da ke tafe bayan ya lashe zaben fidda gwani na jam’iyyar APC.
Ize-Iyamu shi ne na hannun daman Shugaban Jam’iyyar APC da aka dakatar Adams Oshiomhole, a zaben da ke tafe ranar 19 ga watan Satumba.
Shugaban Kwamitin Zaben Dan Takarar kuma Gwamnan Imo Sanata Hope Uzodimna ya sanar cewa Ize-Iyamu ne ya lashe zaben bayan ya kayar da abokin karawarsa, tsohon mataimakin gwamnan jihar Pius Odubu.
https://dimokuradiyya.com.ng/ayyanannen-shugaban-apc-ya-soke-zaben-fidda-gwanin-gwamna-na-edo/
Uzodinma ya ce Ize-Iyamu ya lashe zaben ne a dukkan kananan hukumomi 18 na jihar, inda ya samu mafi yawan kuri’u.
Da yake tattaunawa da ‘yan jarida jim kadan bayan sanar da sakamakon zaben, dan takarar ya ce yana da kwarin gwiwar jam’iyyarsu ce za ta yi nasara a zaben mai zuwa.
Kamfanin dillancin labarai na ƙasa NAN ya rawaito cewa an samar da jami’an hukumar zabe INEC da kuma jami’an tsaro da yawa dan tabbatar da komai ya gudana kamar yadda aka tsara.
