Ka miƙa kanka ga Hukumomin Tsaro – Gwamnatin Rivers ga yaron Atiku
Gwamnatin jihar Ribas ta shawarci dan majalisa mai wakiltar mazabar tarayya ta Fatakwal 2, Chinyere Igwe da ya mika kansa ga hukumomin tsaro.
Kiran na zuwa ne kwanaki biyu bayan da Gwamna Nyesom Wike ya umarci hukumomin tsaro a jihar da su kamo Igwe bisa zargin bin haramtacciyar hanya kan sana’ar man fetur.
KARANTA WANNAN LABARIN: EPL: Manchester United Ta Yi Nasarar Doke Liverpool A Wasan Farko
Igwe yaro ne ga Atiku Abubakar, dan takarar shugaban kasa na jam’iyyar PDP wanda ke fafatawa da Gwamna Wike.
Da yake magana a karshen mako a wani taron da aka gudanar a karamar hukumar Gokana ta jihar Ribas, shugaban ma’aikatan gwamnan jihar, Emeka Beke, ya ce babu wani “ baki” da zai hana gwamnatin jihar ta tuhumi dan majalisar da aka rufe gidan man sa bisa zargin haramtattun ayyukan hada-hadar man fetur.
Wike ya nanata cewa gwamnatin jihar tana da hakkin tsarin mulki na tinkarar duk wani wanda ke da hannu a cikin wani abu da zai cutar da tattalin arzikin Najeriya.
A cewarsa, “Duk wanda ya ba da izinin yin amfani da harabar kasuwancinsa wajen hada-hadar man fetur ba bisa ka’ida ba, za a rufe wurin duk wanda ya ba wa otal dinsa damar daukar masu aikata laifukan da ke da niyyar kawo cikas a cikin jihar, za mu yi maganin ku kamar yadda doka ta tanada.”
Shugaban ma’aikatan ya kuma gargadi Igwe da ya daina “batar da jama’a tare da ikirarin cewa ana cin zarafinsa a siyasance.
“Na saurari Chinyere Igwe jiya yana maganar rashin godiya. Mutumin da ya yi ritaya a siyasance. Wannan shi ne mutumin da ya yi wa’adi daya kacal a majalisar wakilai ya dawo gida. Tsohon gwamnan jihar Ribas, Rotimi Amaechi, ya kore shi daga Fatakwal, ya kuma garzaya Abuja. Har ma ya tsaya takara a Jam’iyyar ACN a lokacin, kuma ya sha kaye.”
A Wani Labarin Kuma: ASUU Zata yanke hukunci kan yajin aiki a ranar Lahadi
Kwamitin Zartaswar Ƙungiyar Jami’o’in Najeriya dake yajin aiki zai yi taro a ranar Lahadi, 28 ga watan Agusta, 2022 domin yanke shawara kan ko za’a dakatar da ko kuma a cigaba da gudanar da yajin aiki, kamar yadda Jaridar PUNCH ta samu.