Dan takarar jam’iyyar APGA a zaben gwamnan na jihar Anambra Farfesa Charles Soludo yayi nasarar lashe zaben gwamnan jihar da aka gudanar a makon da ya gabata aka kuma kammala shi a jiya Talata.
Hukumar zabe mai zaman kanta INEC ce ta sanar da hakan, inda tace dan takarar ya samu kuri’u 112, 229, kuma wannan shine kaso mafi tsoka da jam’iyyar ta samu a tsakanin sauran jam’iyyu 18 da suka shiga zaben.
Yanzu dai masana na kallon cewa akwai babban kalubale a gaban sabon gwamnan da suka haɗar da:
Batun yan kungiyar IPOB dake neman ballewa daga Nigeria domin kafa kasar su.
Batun ware wasu ranaku cikin sati a matsayin ranar zaman gida ga yan jihar.
Koma bayan da kasuwanci jihar ke fuskanta ta fuskoki da dama da dai sauran su.