Rose Raponda ta zama Firaminista mace ta farko a kasar Gabon, kamar yadda Babban Sakataren fadar shugaban kasar, Jean-Yves Teal ya karanta.
Raponda ta zama mace ta farko da ta rike wannan mukamin ta Firaminista a kasar, inda ta gaji Julien Bekale.
A ranar 12 ga watan Fabarairun 2019, shugaba Ali Bongo Ondimba ya bai wa Raponda Ministar tsaron lasar, bayan da yunkurin juyin mulki a kasar ya kasa yin nasara.
Rose Raponda ta yi karatun digirinta na farko a bangaren tattalin arziki, daga makarantar ‘Gabonese Institute of Economy and Finance.’
Firaministar ta taba rike mukamin Babbar Daraktar Tattalin Arziki, sannan ta rike mukamin mataimakiyar Darakrae ‘Housing Bank of Gabon.’
Sannan ta rike mukamin tsarin kasafin kudi daga Fabarairun 2012 zuwa Janairun 2014. Rose Raponda an zabe ta a matsayin magajiyar garin Babban Birnin kasar, Libreville inda ta jagoranci jam’iyya mai mulkin kasar daga 26 ga watan Janairun 2014 har zuwa 2019.
