Gwamnatin Kasar Ireland ta sanya hannu kan yarjejeniyar mayar wa da gwamnatin tarayyar Nijeriya Yuro miliyan biyar da rabi daga cikin kudin da tsohon shugaban kasar, Janar Sani Abacha ya ajiye a cikin asusun bankin ajiyar kasar kamar yadda shafin gidan Rediyon Faransa ya labarto.
Ministar Shari’ar Ireland, Helen McEntee ta ce shirin mayar wa Nijeriya kudaden ya biyo bayan hukuncin kotu wadda ta bada umurnin yin haka a shekarar 2015.
McEntee ta bayayana cewar hukumar yaki da cin hanci da rashawa ta kasar ta rufe asusun ajiyar a shekarar 2014, bayan da wasu lauyoyi daga Nijeriya da ke wakilatn gwamnatin kasar suka tuntubi gwamnatin Ireland.
Wannan sanarwa ta kawo karshen dogon lokacin da aka dauka wanda ya kunshi binciken kasashen duniya dangane da rufe asusun ajiyar tsohon shugaban kasar da ke kunshe da kudin da ya zarce sama da Dala biliyan guda, kuma Yuro miliyan biyar da rabi na ajiye ne a kasar ta Ireland.
