Shugaban Kwastan na kasa, Hameed Ali ya tabbatar da cewa kashi 90 na motocin da ake shigo da su kasarnan ta barauniyar hanya ne. Inda ya zargi wadansu bata gari da wannan aika-aika. Hameed Ali ya bayyana hakan a birnin tarayya Abuja a yayin ganawarsa da manema labarai.
Hameed Ali ya kara da cewa; har wala yau motocin da ake siyarwa a mafi yawan shaguna, suma ta barauniyar hanya ne.
Hameed Ali ya ce samamen da suka kai wa masu siyar da motoci a kwanakin nan a fadin kasarnan, sun yi hakan ne domin tabbatar da ko an shigo da su ta hanyar da ya dace ne ko ta barauniyar hanya.
A cewarsa, kasarnan tana bukatar haraji domin kawo ci gaba. A don haka akwai bukatar karbar haraji daga hannunsu.