Hukumar Kare hakkin mai siye da siyarwa ta Jihar Kano (KSCPC) ta ce ta kwace buhunan fulawa 487 da ya kare na miliyoyin Naira a jihar.
Mukaddashin Manajan Darakta na hukumar, Baffa Babba-Dan’agundi, ne ya bayyana hakan a wata sanarwa da kakakinta, Musbahu Yakasai ya fitar a Kano ranar Talata.
Babba-Dan’agundi ya ce wasu ‘yan kasa ne suka sanar da hukumar game da fulawar da ta lalace kuma aka kawo ta kasuwar hatsi ta kasa da kasa ta Dawanau Kano.
Ya bayyana cewa an kwace fulawar ne yayin wani samame da aka kai a wani dakin ajiyar kaya da ke Kasuwar Dawanau, a ranar Lahadi.
“Mun tabbatar da cewa fulawar ta riga ta kare bayan gwajin da aka yi na wasu samfurori,” in ji shi.
Babba-Dan’agundi ya kara da cewa majalisar ta kuma kwace wasu katan na kayan shaye-shaye da aka wuce dasu kasuwar Muhammadu Abubakar Rimi, Sabongari, Kano.
Ya kuma yi bayanin cewa fulawar da ya kare da abubuwan sha an kwashe an kai su dakin ajiyar na majalisar.
A karshe ya yi kira ga jama’a da su rika duba bayanan kayayyakin kafin amfani da su.