Kotun majistiri da ke Gidan Murtala a Kano ta aike da sammaci ga shugaban hukumar KAROTA Baffa Babba Ɗanagundi bisa zargin yin zamba cikin aminci.
Kotun ƙarƙashin mai shari’a Muhammad Jibril ta gayyaci Baffa Babban ne biyo bayan ƙarar da wasu direbobin baburan adaidata sahu su ka shigar a gaban ta.
Masu ƙarar na zargin Baffan da cewar yana raba musu takarda a madadin na’urar bin diddigi ta tracker da su ka biya kuɗi.
http://dimokuradiyya.com.ng/masu-babur-mai-ƙafa-uku-a-jihar-kano-sun-koka-game-da-hukumar-karota/
Idan ba a manta ba cikin shekarar ne hukumar ta KAROTA ta ba wa masu baburan Adaidaita Sahu dokar yin rijista tare da biyan kuɗin nau’urar da za a sanya musu a baburan nasu.
Ko a kwanakin baya masu baburan na Adaidaita sahun sai da suka koka game da yadda suka ji shiru dangane da batun rarraba nau’urar.
