Lamba 10 a ƙungiyar ƙwallon ƙafa ta Chelsea dake birnin London a ƙasar Ingila lamba ce da ta shahara kuma manyan ‘yan wasa da ƙasashe daban-daban a duniya suka sanyata kuma ko wanne ɗan wasa akwai gudun mawar da yake bayarwa idan ya sanya ta.
Ayanzu dai sakamakon ɗan wasa Willian ya bar Chelsea inda ya koma ƙungiyar ƙwallon ƙafa ta Arsenal ya ajiye lambar inda lokacin da ya ajiye ana ta hasashen ko wanne ɗan wasa ne zai goya lambar biyo bayan manyan ‘yan wasa da ƙungiyar ƙwallon ƙafan ta Chelsea ta saya a bana, sannan kuma ga wasu gogaggun ‘yan wasan a jibge a ƙungiyar waɗanda suke yunwar saka lamba goman.
Kwatsam sai akajiyo kiɗa a magwan inda aka baiwa ɗan wasa Christian Pulisic ɗan asalin ƙasar Amurka wanda shi baya daga cikin sababbin ‘yan wasan da aka sayo.
Tun daga kafa ƙungiyar ƙwallon ƙafa ta Chelsea an yi manyan ‘yan wasa da suka sanya lamba 10 kuma suka bayar da gudun mawa sosai, sai dai za a iya cewa wani yafi wani bayar da gudun mawa.
Ga jerin sunayen wasu ‘yan wasa da suka goya lamba 10 a ƙungiyar ƙwallon ƙafa ta Chelsea kuma sun bayar da gudun mawa sosai:
Akwai Ian Hutchinson da Govin Peacock da Jay Cole da Eden Hazard da Willian da David Speedie da Mark Hughes da Juan Mata da da sauransu inda sun bayar da gudun mawa yadda ya kamata.
Shin a yanzu da aka baiwa Christian Pulisic wannan lamba ko zai iya bayar da gudun mawar da ake da buƙata? shin zai amsa sunansa a matsayin wanda ya goya lamba 10? Lokaci ne dai zai bambance hakan musamman a sabuwar kakar wasa ta bana daza a fara.
