Daga: Comrd Haruna Sardauna.
A wannan makon daya gabata, gwamnan jihar Yobe, Alhaji Mai Mala Buni, ya kafa gaggarumin tarihi a jihar shi, inda a karo na farko yayi Taron Sauraren Koken Al’ummah na (Town Hall Meeting) a karamar Hukumar Potiskum cibiyar matattarar al’ummar Kudanci jihar Yobe.
A taron an gayyato kungiyoyi masu zaman kansu, shugabannin al’ummah na Siyasa da Sarakunan Gargajiya dake yankin Kudanci jihar Yobe, inda Gwamnan ya bada dama a kowace kungiya da shugabannin al’ummar kowace yanki suka fada mar matsalolin su, domin ya san matsalolin dazai fara magancewa al’ummar shi mazauna yankin.
Bayan gwamna Mai Mala Buni, ya bada damar ganawa kai tsaye da al’ummar shi, ya saurari koke da matsalolin da al’ummar yankin suke fuskanta, daga bakin shugabannin su, kuma yayi jawabai akan amincewa da gwamnatin shi zatayi mahimman aiyukan da shugabannin kungiyoyin suka bukaci gwamnatin shi tayi a yankin Kudanci jihar Yobe.
A jawabin Gwamna Mai Mala Buni, a dakin taron, yayi godiya ta musamman ga al’ummar yankin bisa goyon baya da zaben shi a matsayin Gwamnan jihar Yobe a za6en daya gabata na shekarar 2019, Gwamna Buni ya bayyana Gwamnatin shi zata gina (Trailer Park da Mechanic’s Village) domin a karfafa yan kasuwan yankin yadda za’a samu bunkasar tattalin arziki da aiyukan yi.
A tarihin jihar Yobe, wannan shine karo na farko da gwamna ya fara bada damar ganawa kai tsaye da al’ummar sa, Gwamna Buni ya kara samun aminci a gurin Talakawan sa, wannan ganawar ta kara masa kima da daraja a idon Talakawan Kudanci jihar Yobe.