By Abbas Yakubu Yaura
Jami’in hukumar kiyaye hadurra ta kasa (FRSC), Dokta Boboye Oyeyemi, ya bayyana cewa mutane 327 ne suka mutu sakamakon hadurran tituna a lokacin yuletide.
Da yake magana a ranar Alhamis a wani taron manema labarai a Abuja, ya ce an rubuta hakan ne yayin aikin sintiri na musamman na (Operation Zero Tolerance) na shekarar 2021 tsakanin 15 ga watan Disambar shekarar data gabata ta 2021 zuwa 15 ga watan Janairu na wannan shekara.
Ya ce an samu rahoton hadurran ababen hawa 600 da suka hada da mutane 4,649 yayin da mutane 1,916 suka samu raunuka, sannan an ceto mutane 2,406 ba tare da wani rauni ba.
A cewarsa, an kama mutane 20,845 da suka aikata laifuka daban-daban kuma an kama su ne bisa laifin keta haddi 24,214 daban-daban, yayin da aka kama motoci 11,060 tare da kwace 9,787.
Ya ce a jimilce hadurruka bakwai da suka yi sanadiyar mutuwar mutane 82 a kan manyan tituna bakwai a fadin kasar nan da titin Ilesha-Akure da titin Kano zuwa Zariya da ya yi sanadiyar mutuwar mutane 20 da 19.
Oyeyemi ya ce, nazarin kwatankwacin hadurran kan tituna da aka yi a shekarun 2021 da 2020 ya nuna an samu raguwar hadurran kan titi da kashi 9%, da raguwar adadin mutanen da lamarin ya shafa da kashi 3%, da raguwar adadin mutanen da suka mutu da kashi 26%, da raguwar kashi 9%. a yawan mutanen da suka jikkata.
Duk da haka, ya kuma lura cewa nazarin kwatankwacin aiwatar da ayyukan sintiri na musamman a shekarar 2021 zuwa 2020 ya nuna karuwar masu keta haddin ababen hawa da kashi 26%, karuwar laifuka 32%, karuwar 18% na adadin motocin da aka kama da kuma karuwa a adadin wadanda aka kwace 35%