Dan takarar shugaban kasa na jam’iyyar PRP, Kola Abiola, ya bayyana cewa zai lashe zaben shekara mai zuwa ta hanyar maimaita irin rawar da mahaifinsa, Marigayi MKO Abiola ya yi a zaben 12 ga watan Yuni, 1993.
Kola ya bayyana hakan ne a zantawarsa da manema labarai a Abeokuta, ranar Asabar a wajen bikin jana’izar marigayi dan takarar gwamna na jam’iyyar PRP a jihar Ogun, Farfesa David Bamgbose.
Dan takarar shugaban kasa na jam’iyyar PRP, wanda ya ce ya shirya tsaf domin kawo cikas da kuma lashe zaben shekara mai zuwa, ya bayyana cewa shi ne ya jagoranci tsare-tsare da aiwatar da yakin neman zaben da ya sa mahaifinsa ya samu “nasara” a zaben da aka yi ta cece-kuce a lokacin yana dan shekara 28.
KARANTA ANAN: Shugaban Yan Bindigar Zamfara ”Bello Turji” Ya Tsallake Rijiya Da Baya
Dan takarar jam’iyyar PRP ya sha alwashin daukar matakin da ya dace da kuma bin tsarin daukar ma’aikata wanda “zai sauya fasalin siyasa a Najeriya.”
Da yake gabatar da wa’azin nasa, wani limamin cocin Ibadan, Bishop Samuel Alawode, ya bayyana Bamgbose a matsayin mai hazaka wanda ya ce ya bar duniya bayan ya cika nufin Allah a rayuwarsa.
A wani labarin kuma: Dubban Mambobin APC Ne Suka Sauya Sheka Zuwa Jam’iyyar PDP A Kaduna
Sama da mambobin jam’iyyar APC 13,000 ne suka fice daga jam’iyyar suka koma jam’iyyar PDP, a Kudancin Kaduna.
Ma’ajin jam’iyyar adawa ta Arewa maso Yamma, Hon. Rabiu Bakori, wanda ya karbi sabbin mambobin a madadin shugaban jam’iyyar PDP na shiyyar Arewa maso Yamma, Sen. Hayatu Gwarzo, a yankin Zonkwa, ya ce idan har jam’iyyar ta ci zabe a 2023 dole ne kowa ya tashi.
