Matashiyar ‘yar wasan tennis ta ƙasar Japan wato Naomi Osaka ta zamo zakara a gasar tennis ta U.S Open a wannan yammaci na Asabar data fafata wasan ƙatshe da ‘yar wasan ƙasar Belarus wato Victoria Azarenka.
Ta lallasa ta daci 1-6 da 6-3 da 6-3, wannan shine karo na uku da ‘yar wasa Naomi Osaka mai shekaru 22 tana lashe gasa mai daraja ta farko da ake kira da Grand Slam wato ta tennis.
Sun fafata wasan na ƙarshe na Arthur Ashe dake garin Flushing Meadows a can ƙasar ta Amurka, sai dai ba a bar ‘yan kallo sun shiga kallon wasan ƙarshen ba duba da yanayin da ake ciki na cutar Coronavirus.
A cikin wasanni gasar tennis guda 16 na gasa mai daraja ta farko da Naomi Osaka ta fafata ta lashe guda 12 kenan inda hakan ba ƙaramar bajinta bace musamman yadda duniyar wasan gasar tennis ta sauya sosai da sosai duba da yadda ake samun ‘yan bana bakwai.
Yanzu ta tabbata Naomi Osaka dai itace zakarar gasar tennis ta U.S Open ta ɓangaren mata wato kakar wasa ta 2020 kenan inda sunanta ya kuma shiga kundin tarihin gasar tennis.
