NDLEA ta kama mutane 218 masu laifi, ta ƙwace kilogaram 1,471 na Ƙwaya a Imo
Gabanin ranar yaƙi da shan Miyagun Ƙwayoyi ta Shekarar 2022, Hukumar Hana Sha da Fataucin Miyagun Ƙwayoyi ta Jahar Imo tace ta kama mutane 218 da ake zargi da laifin ƙwaya, inda maza 171 da mata 47 kenan aka kama, ƙari bisa ga kilogaram 1,471.31 na ƙwayar da aka kama tsakanin watan Juli na shekarar 2021 zuwa yunin Shekarar 2022.
KARANTA WANNAN LABARIN: Ƴan Bindiga sun hallaka Ma’aikacin Kwalejin Kimiyya ta Zamfara, sun binne shi, bayan amshe 4M
Da yake jawabi a ranar Alhamis a lokacin taro na yaƙi da miyagun kwayoyi mai taken “magance matsalolin Ƙwaya,” Shugaban Hukumar ba Jahar Imo Mr. Reuben Apeh yace da yawa daga cikin waɗanda aka kama an kaisu Kotu, kuma tuni aka zartar Masu Da hukunci a Babbar Kotun Tarayya.
Yace “a tsakanin lokacin, mutane 51 an yanke masu hukunci, sai mutane 145 aka kaisu kotu da Laifuka da dama kuma ana cigaba da Shari’ar su”.
Apeh ya bayyana cewa lamarin ƙwaya a Imo abun damuwa ne, yana mai cewa tuni mata sun bi sahu wajen kasuwancin ƙwaya domin magance matsalar su ta kuɗi.
Ya ƙara dacewa tuni tabar wiwi dake a gonakai aka lalata ta, haka zalika sun kama kwayar Rohypnol da diezepam.
Ya bayyana damuwar sa akan masu saida ƙwaya a Jahar musamman a tsakanin matasa.
Ya yi kira ga masu ruwa da tsaki dasu wayar wa matasa kai akan illolin ƙwaya
Comments 1