Ƙungiyar ƙwallon ƙafa ta Plateau United dake a tsakiyar Najeriya kuma wadda ta zamo zakara a ƙarshen gasar ajin Firimiya ta ƙasar nan wato NPFL ta sayi sabon ɗan wasa a wannan yammaci na Laraba.
Ta saye shi ne sabo da yunƙurin gyara data keyi duba da cewar gana daga cikin ƙungiyoyin ƙwallon ƙafa guda 4 dazasu wakilci Najeriya a gasar zakarun nahiyar Afrika da kuma gasar ajin ƙwararru ta Afrika.
Ita dai Plateau United ta sayi ɗan wasa Sunday Adetunji kuma tuni ya sanyawa ƙungiyar hannu kuma an kammala magana dangane da albashinsa da kuma kuɗaɗen garaɓasar daza a dinga biyansa a iya shekarun dazai kwashe tare da ƙungiyar ƙwallon ƙafan ta Plateau United.
Mai horas da ƙungiyar ƙwallon ƙafan ta Plateau wato Audu Maikaba ya tabbatar da cewar Plateau United zatayi ƙoƙari a gasar zakarun nahiyar Afrika ta bana wato sabuwar kakar wasa ta 2020 zuwa 2021 daza a fara nan da wasu watanni.
Ƙungiyoyin ƙwallon ƙafa guda 4 daza su wakilci Najeriya a gasar zakarun nahiyar Afrika da kuma gasar ajin ƙwararru ta Afrika sune Plateau United da ƙungiyar ƙwallon ƙafa ta Enyima sune zasu fafata gasar zakaru, saikuma Kano Pillars da Rivers United zasu buga gasar ajin ƙwararru.
