Dama dai masa’antar ta jima tana shan suka kan abin da mutane sukan kira yin fina-finai masu ɓata tarbiya.
Aminu ya ce “akwai bukatar a koya wa masu rubutu da kuma masu gabatarwa yadda za su fitar da saƙonni a fim ta yadda mutane za su fahimta, domin kaucewa masu cewa fim na ɓata tarbiya.”
“Muhimmancin saƙo na ɓacewa ne a tsakanin siradin mai rubutawa da kuma mai bayar da umarni,” in ji jarumin.
https://dimokuradiyya.com.ng/rikici-ya-barke-a-masanaantar-kannywood/
Wata matsala ta daban da ya taɓo a yayin hirar ita ce rashin kudi. Jarumi Aminu ya bayyana cewa yadda ake satar fasaha a masana’antar ke sa mutane basu cin moriyar kuɗaɗen da suka zuba domin yin fim.
“Lamarin da ke sa ake rasa masu zuba hannun jari kenan a yanzu.”
Amma a wani ɓangaren ya nuna farin cikinsa kan yadda ake haska fina-finai a gidajen kallo na Sinima, a cewarsa yin hakan zai kare fina-finan Kannywood kuma zai dakile satar fahimta.
Jarumin ya kuma jaddada muhimmancin kare al’adu da kuma harshen Hausa ta hanyar fito da su a cikin fina-finai yadda ya kamata.
