Sakataren harkokin kula da lafiya na Birtaniya Matt Hancock ya ajiye aikinsa a ranar asabar dinnan bayan da ya karya dokar bada tazara ta korona bisa kuskure.
Shi dai Mista Matt ya sumbaci abokiyar aikinsa ne a wani gagarumin taro da ya gudana a birnin Landan.
A wani takarda da ya aike wa Firaministan Birtaniya, ya ce bai kamata a ce an samu mai dokar barci kuma ya ɓuge da gyangyadi ba.
Sai dai Firaminista Boris Johnson ya yi alhinin rashin wannan gagarumin abokin aiki.
Wannan ajiye aiki ya zo ne bayan da hoton Mista Matt din ya bayyana tare da abokiyar aikinsa mai suna Gina Coladangelo wanda ake kyautata zaton an dauki hoton ne a ranar shida ga watan Mayun wannan shekara.
Da ma dai an sha kalubalantar Mista Matt Hancock da ya ajiye aikinsa ko an tunbuke shi bayan bayyanar hoton nasa da matarsa suna sunbatar juna wanda Jaridar The Sun ta fitar.