• Kutu ta yanke wa wani dan kasuwa hukuncin zaman gidan gyaran hali, na tsawon watanni 18, ko biyan naira dubu saba’in, a mai makon zaman gidan yarin.
•Lamarin ya faru ne a Kafanchan da ke jihar Kaduna, a yau juma’a.
• Sai da mai laifin, ya amsa laifin shi, kafin Kotun ta yanke mai hukuncin, kamar yadda doka ta tana da.
A yau juma’a, Wata Kotun majistiri dake Kafanchan a jihar Kaduna, ta yanke wa wani dan kasuwa mai shekara 25 hukuncin zaman gidan gyaran hali na tsawon watanni 18 bisa zarkin satan kayan mota.
Mai shari’a Mr Mishael Bawa ne ya yanke kewa mutunmi me suna Jonathan Kagarko hukuncin, bayan Kotun ta kama shi da laifin satan kayayyakin da ake zargin sa dashi.
Sai dai Alkalin Kotun ya Kuma bashi zabin biyan taran naira dubu saba’in, a mai makon zaman gidan jarum din da zai yi.
KARANTA WANNAN LABARIN: Wata makaranta zata fara amsan kudin Crypto
Jami’in dan sanda Mai gabatar da kara Insfecta Isah Hassan ya bayyana wa Kotun cewa, “Wani mai suna Mr John Madaki ne, ya kawo rahoton afkuwan lamarin a ofishin yan sandan yankin a ranar 24 gawatan Mayun shekarar 2021” inji shi.
Hassan ya ce, Wanda ake zargi ya shiga gidan Wanda yakawo karar ne, inda ya cire mashi kis-ta-ta, da madubin motar shi.
“Lokacin da aka tuntubi Wanda ake zargin, ya tabbatar da cewa ya aikata laifin, Kuma ya roki Kotun da ta sassauta misi wurin yanke hukunci” inji jami’in.
Inda a nan take Kotun ta yanke mai hukuncin daurin gidan gyaran hali kamar yadda sashin doka na 125, takwas cikin baka, na shekarar 2017, ta ta nada.