Shugaba Jair Bolsonaro na Brazil ya sanar da cewa gwajin da aka sake masa na annobar cutar korona ya nuna a halin yanzu ba ya ɗauke da ƙwayar cutar.
Shugaban ya gaishe da al’umma a wannan ranar a sakon da ya wallafa a shafinsa na Facebook.
Bolsonaro dai a ranar 7 ga watan Yulin 2020 ya bayyana ya kamu da cutar ta korona, daga kuma an yi masa gwaji uku amma gwajin na nuna yana yana ɗauke da ita.
A baya dai shugaban ya sha yin watsi da tasirin cutar har ma ya yi kurin cewa ko da ta kama shi ba wani tasiri za ta yi a jikinsa ba saboda atisaye da yake yi.
A halin yanzu kasar Brazil ita ce ta biyu a duniya da cutar ta fi ƙamari, inda take da fiye da mutum miliyan 2.3 da aka tabbatar sun kamu da ita.