Shugaban kasa Buhari ya amince da sakin naira biliyan 10 ga yankin kudu maso yammacin kasarnan domin ganin an yi ginin filin jirgin saman jihar Inugu. Buhari ya bayyana hakan ne yayin da shugabannin kabilar Ibo ta Ohaneaze Ndigbo da gwamnonin jihohin biyar suka kai masa ziyara a ranar Alhamis, 17 ga Oktoba, 2019.
Buhari ya jaddada niyyar inganta ayyukan gine-gine a Nijeriya domin jin dadin al’ummar kasar Shugaban ya ce: ya ba da umurnin sakin Bilyan 10 domin inganta ginin babbar filin jirgin saman Akanu Ibiam dake jihar Inugu.
Ya ci gaba da cewa; ministan sufurin jirgin sama ya bashi tabbacin cewa za a yi gaggawar kammala aikin kuma za a yi mai kyau. “Duk da cewa muna da abubuwa da yawa da muke son yi kuma babu kudi, za mu ci gaba da gaggauta yin manyan ayyuka a dukkan sassan kasa. Aikinmu ne mu tabbatar an gyara dukiyoyin kasa, ba zamu gajiya ba.” In Ji shi.