Shugaban kasa Buhari ya yi ta’aziyyar mutuwar mahaifiyar shugaban Hafsan sojin Nijeriya, Laftanar Janar Yusuf Burutai wato Hajiya Hauwa Yusuf Buratai.
A ranar Laraba ne shugaba Buhari ya kira Burutai ta waya inda ya yi masa ta’aziyyar rasuwar mahaifiyarsa. A sanarwar da Kakakin shugaban kasa, Garba Shehu ya fitar, ya ce Buhari ya mika ta’aziyyarsa ga dukkan iyalai, inda a karshe ya yi mata addu’ar Rahama.
