A yammacin wannan rana za a buga tauraron wasa a wasan mako na biyu a gasar ajin Firimiya ta ƙasar Ingila tsakanin ƙungiyar ƙwallon ƙafa ta Chelsea da kuma zakarun gasar Firimiyar wato Liverpool, inda ake ganin shine wasa mafi zafi a wannan makon.
A wannan sabuwar kakar wasan da aka shiga ta 2020 zuwa 2021 ƙungiyar ƙwallon ƙafa ta Chelsea tafi kowacce ƙungiya sayen ‘yan wasa domin yin garambawul ta yadda zasu lashe manyan kofuna a duniyar ƙwallon ƙafa kamar yadda suka saba lashewa a shekarun baya.
A wasan farko dai Chelsea ta lashe Brighton daci 3 da 1 inda itakuma Liverpool tasha da kyar a hannun ƙungiyar ƙwallon ƙafa ta Leeds United daci 4 da 3 inda ake ganin cewar akwai ƙalu-bale a gaban ƙungiyar ƙwallon ƙafan ta Liverpool inda ake ganin cewar sai sunyi da gaske zasu sake lashe gasar ta bana.
A ƙasar ta Ingila a kakar wasa ta bana ƙungiyoyin ƙwallon ƙafa da dama sun kashe manyan kuɗaɗe wajen yin gyara musamman ita Chelsea inda ta sayi ‘yan wasa sama da guda biyar, sai dai Liverpool a tsakiyar makonnan ta yi wata siyayya wadda ake ganin duk ƙingiyoyin ƙwallon ƙafan Ingila babu wadda tayi mai amfanin ta wato sayen Thiago Alcantara daga ƙungiyar ƙwallon ƙafa ta Bayern Munich.
Za a take wasan a yammacin wannan rana ta Lahadi inda yau za a sanya idanu a gani ko gyaran da Chelsea tayi zai fara aiki a kan Liverpool ganin cewar a kakar wasan data gabata Liverpool ta zazzagawa Chelsea ƙwallaye a raga.