Tsohon dan wasan kungiyar kwallon kafa ta Arsenal, Jose Antonio Reyes, ya rasu sakamakon hatsarin mota a kasar Sipaniya kamar yadda tsohuwar kungiyarsa ta Sevilla ta bayyana a shafinta na Internet. Reyes, mai shekara 35 a duniya wanda ya bugawa Sevilla sama da wasanni 250 ya kuma bugawa kungiyar kwallon kafa ta Arsenal wasa daga shekara ta 2004 zuwa 2007 kafin daga baya ya koma Real Madrid. Kafin rasuwarsa Reyes yana bugawa kungiyar qwallon kafa ta Extremadura UD wadda take buga gasa mai daraja ta biyu a kasar Sipaniya bayan ya bar kasar Sin wato China a watan Janairu inda yayi zaman watanni shida.