Kwana guda daya karbi rantsuwa a matsayin Gwamnan Jihar Yobe Gwamnan Mai Mala Buni ya Aure Yar Gwamna mai barin Gado a matsayin mata ta uku.
An daura Auren ne yau Alhamis a Damaturu babban birnin jihar Yobe da yammaci sai dai baa shirya gangami ba.
Tuni rahotan ya bayyana cewar Gwamna Mala Buni ya Auri Yarinyar Gwamna mai barin Gado ne Ibrahim Gaidam, kuma Ubangidan sa ne a Siyasa.
Jaridar Dimokaradiyya ta ruwaito cewar Mala Buni ya Auri Amaryar sa Ummi Adama Ibrahim Gaidam, bayan an rantsar da shi a matsayin sabon Gwamna a jiya Laraba.
Ana ta Cece-kuce game da batun Auren kan cewa Buni, ya Auri Yar uban gidan sa, saboda ya bashi ragamar mulki, sai dai rahoton ya bayyana cewar soyayya ce a tsakanin su babu Wanda ya hada su sune suka hada kan su.
Zuwa yanzu bayanai sun tabbatar da cewar yanzu haka ma Amarya, tana karatu a kasa mai tsarki.
