A shekarar 2014, masarautar ta kashe zunzurutun kudi naira naira miliyan arbaín da uku, da dubu dari biyu da sittin da takwas da dari biyar W43,268,500.00), wajen zuba wa injin JAANNARETO mai. A shekara ta 2015 kuma, an kashe miliyan talatin da tara, da dubu dari shida da sittin (N39,690,000.00). Shi ma zuba wa Jannareto mai.
A shekara ta 2016 kuma, an kashe miliyan ashirin da biyu, da dubu dari uku da goma sha bakwai da dari daya da sabaín da hudu. (N22,317, 174.00), shi ma na shan mai a jannareto.
A shekara ta 2017 kuma, jannareton ya sha mai na naira miliyan goma sha biyu, da dubu dari hudu da casa;in da shida dadari takwas. (N12,496,800.00).
A jimilla, Naúrar Jannareton masarautar Kano daga shekara ta 2014 zuwa 2017,ya sha mai na naira dari da goma sha bakwai, da dubu dari bakwai da sabaín da biyu, da dari hudu da sabaín da hudu.(N117,772,474.00.
Irin yadda shan man ya canza daga miliyan 43 zuwa 22, ya nuna akwai wata a a kasa, akwai almundahana.
Haka nan kuma, bincikenmu ya sake bankado yadda aka tura wasu zunzurutun kudade har naira N105,595,755.00)miliyan dari daya da biyar, da dubu dari biyar da casaín da biyar, da dari bakwai da sabain da biyar, zuwa asusun ajiyar wani mutum na UBA, wanda ba kamfani ba, mai suna mai suna Injiniya Sunusi Tijjani. An tura wadannan kudade ne daga shekara ta 2014 zuwa 2017 a lokuta mabambanta.
Ma fi yawan kudin da aka tura cikin wannan asusun shi ne naira (N22,778,233.92) miliyan ashirin da biyu, da dubu dari bakwai da sabaín da takwas, da dari biyu da ashirin da uku, da kwabo casaín da biyu. An tura su ne a ranar 22 ga watan September, shekara ta 2015.
A lura fa, dukkanin wadannan kudade, an fitar da su ne haka siddan ba na wani aiki ba, ba kuma asusun wani kamfani ba. Harka ce kawai ta amfanuwar kai da kashe mu raba.
Wannan Dandano ne, Cikakken bayani na tafe.