Asusun kula da kananan yara na Majalisar Dinkin Duniya UNICEF ya ce manyan kasashen duniya ka iya asarar allurar Rigafin Koronarsu muddin suka gaza rabawa Kasashe masu karamin karfi.
Ko da yake kuma asusun ya ce akwai bukatar rabawa mataki-mataki ne daga yanzu har karshen shekarar nan, duba da cewa kasashe masu ƙaramin karfin ba su da karfin alkinta rigagin.
Kasar Birtaniya tuni ta alkawarta cewa za ta bada kaso mai tsoka daga allurar rigagin nata, to sai dai UNICEF ya bukaci ta fara tun daga yanzu.
Manyan shahararrun mutane irin su Billie Eilish da kuma tsohon dan kwallon kafar Ingila David Beckham sun goyi bayan bukatar ta UNICEF ta hanyar rubuta wasika ga kasar.
Sauran shahararrun yan wasa da da suka mara baya wa bukatar ta UNICEF sun hada da Andy Murray da Oliver Colman da Ewan Mcgregor da Orlando Bloom da Katy Perry.
Kazalika Liam Payne da Priyanka Chopra da Whoopi Goldberg da Claudia Schiffer gami da Chris Hoy.