Wani magini ya yi wani abin da za a iya alakantawa da al’ajabi, inda ya rusa wani Katafaren gidan alfarma da ya gina bayan da mai gidan ya kasa bashi cikiton kudin aikinsa.
Mai gidan mai suna Jay Kurji mai shekara 40 wanda dan asalin birnin Leicester ne dake Birtaniya ya bukaci ne a kara mishi madafa da kuma karin gidan sama a gidan nashi dake Stoneygate na birnin.
To sai dai maginin ya kwaɓa lissafi bayan da ya zo ya yi kaca-kaca da gidan bayan da ya ce an ƙi biyansa cikiton kuɗin aikinsa.
Magidancin ya ce “ni na tafi hutu ne, kuma tazarar dake tsakanin wurin hutun ya kai mil 200, kawai a ranar 8 ga watan Mayun da muke ciki sai ya yi mun wannan aika-aika”
“Na tuntubi yan sanda game da lamari, ba wai lamari ne na miyagun aiki ba, har yanzu dai ina hutu ban dawo ba, don haka daga nan ba zan iya cewa komai ba”
Ya kara da cewa a shekarar bara ce ya sayi gidan inda ya bukaci a fadada mishi gidan bisa yadda ya ui masa Kankanta.
A bangaren makotan Jay Kurji sun bayyana takaicin su bisa yadda aka dagula musu lissafin unguwa aka bar ta haka.