Cikin yanayi na shauki da farin ciki, wata mata yar Najeriya ta bayyana irin abin mamaki da al’ajabi wanda mijinta ya yi mata a yan baya bayan nan.
Matar wacce ta ce ta aiki mijinta siyo mata tasoyi gyada, ta bayyana cewa jim kaɗan bayan wannan aika ne sai ga shi ya dawo mata da gangariyar mota kirar Lexus.
Cikin wani sako da wallafa a shafinta na Tuwita ta ce, ta yi wa mijin nata aikar gyadar ce cikin yanayi na gatse bayan ya ɓata mata rai, amma kuma a madadin nuna mata ɓacin ransa sai ya saka mata da wannan abin Alkhairi.
Ko da yake babu sanin cikakken sunanta, amma matar dake amfani da suna @Irizzy a shafin na tuwita, ta wallafa hoton da ta dauka a jikin gangariyar motar.
Ta kara da cewa duk da irin wannan mugun al’amari da ya faru tsakaninta da mijin nata, yanzu ne za ta baje shafin nuna masa soyayya.
