Tun bayan da cutar nan ta Covid 19 ta fara yin tsamari a ƙasashen duniya aka tafi hutun wasu wasannin inda wasu wasannin kuma a halin yanzu an dawo ana fafata su amma babu ‘yan kallo sai dai iya zunzurutun ‘yan wasanne suke fafatawa iya su isu.
Wasu wasannin sun kasance na haɗaka inda wasu wasannin kuma suka kasance na ‘yan ɗai-ɗai ne, sai dai tuni aka dawo yin wasu wasannin da suka haɗar da wasanni ‘yan ɗai-ɗai da kuma na haɗakar gabaɗaya amma a wasu ƙasashen, sai dai a ƙasa Najeriya abin shiru kakeji har yanzu ba’a dawo ba.
Koda a wasu sassan musamman a nahiyar turai an dawo wasanni sosai inda an fafata wasan gudu tsakanin na maza dana mata kuma kudun ya kasance mai tsayi sosai wato abin da ake cewa gudun ya da ƙanin wani nawa na gida.
Sai dai a dogon gudun da sukayi wasu tuni aka barsu a baya inda suka kasa yin ƙoƙari bayan sun tafi da yawa amma da tafiya tayi tafiya kusan kowa ya gane shayi ruwa ne inda ‘yan kaɗanne daga cikinsu suka iya kai bantansu.
Shin ko yaushe za a dawo yin wasanni a Najeriya duk da babu cutar sosai? duba da yaddda inda cutar tafi illa sosai sun kasance suna rayuwa da Covid 19 kuma sun dawo yin wasanni su musamman nahiyar turai.
