Rundunar ‘yan sandan jihar Legas ta kama wani sansanin sojoji na bogi da ke yankin Ogudu a jihar tare da cafke wasu mutane 107 da ake horas da su da kuma shugabansu.
Kwamishinan ‘yan sandan jihar, Hakeem Odumosu, ne ya bayyana hakan, yayin da yake baje Kolin wadanda ake zargin a hedikwatar rundunar da ke Ikeja, a jiya Laraba, inda ya ce, an kwato kakin sojoji, da mukamai daban-daban, da katunan shaida da dai sauran su.
Ya kara da cewa binciken da aka yi a sansanin ya kai ga kwato wasikun daukar ma’aikata, wasikun karin girma da hoton shugaban sansanin na bogi Mai suna Sunday Dakare, inda ya bayyana kansa a matsayin Babban Jami’in dake kula da Sansanin.
“Wannan yanayin yana nuna hatsari ga al’ummarmu da kuma barazana ga zaman lafiya da tsaro musamman na jihar, Ya dace mu a matsayinmu na jami’an tsaro mu aiwatar da irin wannan doka ta hana ayyukan haramtacciyar kungiyar soja.”
KARANTA WANNAN LABARIN: An kama Mutane Hudu da ake Zargin Yan bindiga Ne a Jihar Sokoto
“Ina so in yi amfani da wannan kafar don gargadi wasu mutane ko kungiyoyi da ke gudanar da irin wannan haramtacciyar sansanin a kowane bangare na jihar, da su yi gaggawar rufe shi.” Inji shi.
Comments 1